¡Saquen los libros de texto!

Artikulu honetan hezkuntzan aldaketa bat gertatu behar dela azaltzen da. Hori gertatu ahal izateko irakasleen formakuntza aldatzea beharrezkoa da eta hori gauzatzeko hiru alderdi aipatzen dira testuan: autonomia, alderdi emozionala eta testuingurua. Baina aldaketa ezin da bat-batekoa izan eta moldaketa pixkanaka- pixkanakakoa izan behar da.

Irakaslearen jarreran ere aldaketa bat gertatzea garrantzizkoa da. Hori gertatzeko, ordea, zenbait faktorek hartzen dute parte; koste emozionala, segurtasun falta  bezalako arazoak hartzen dituelarik barne; konpetentzi profesionalak, konpromezu profesionalak eta natura instituzionala duten faktoreak.

Amaiera emanez, garrantzitsua iruditzen zaigu irakasten jakitea. Izan ere, ez da nahikoa ezagutzak edukitzearekin; ezagutza horiek igorri egin beharra dago.

Curriculum formala / ezkutua

Curriculum formala:

Hezkuntzan, curriculuma ikaskuntza-prozesu bat osatzen duten helburu, gaitasun, metodo eta ebaluazioen multzoa da. Hezkuntza-proiektua dela kontuan hartuz, curriculuma hezkuntzaren antolaketaren funtsa da eta, beraz, kontzeptu konplexua da, besteak beste, gizartearekiko loturak, pedagogia-sistemaren ezaugarriak eta hezkuntzaren praktika eta bilakaera bera islatzen dituena. Curriculuma irekia edo itxia izan daiteke. Curriculum irekiak helburu orokorrak bakarrik planteatzen ditu eta ikaskuntzaren uniformetasunari uko eginez, hezkuntza-egoera bakoitzean egokitzen da, ikasketa-prozesuaren emaitzei begiratuz batik bat eta ebaluazio bati jarraiki. Curriculum itxiak, berriz, aurrez ezarritako helburu, eduki eta bitartekoak biltzen ditu, modu homogeneo batez eta programa zehatz eta aldaezin bati jarraiki.

Curriculum ezkutua:

Curriculumean agertzen ez diren eta nahi gabe irakasten diren balio, jarrera eta ezagutza. Frogatuta dago irakasleek, nahi gabe, mutilen neskei baino arreta gehiago eskaintzen dietela; denbora gehiago pasatzen dute mutilen gainean. Curriculum errealak errepaso bat behar badu, ahalegin berezia curriculum ezkutuan egin behar litzateke. Gainera, neska edo mutila izan, gugandik espero dutena ere desberdina da. Adibidez, neskei arduratsua izatea eskatzen zaie (etxeko lanetatik hasita), eta desfasatzea edo neurrigabekeria ez dago inolaz ere onartuta, kontrola beti da handia neskengan.