Haur (eta Oinarrizko) Hezkuntzako Curriculumaren Inguruko Galderak

1- Zein da Haur Hezkuntzako Curriculumaren aplikazio eremua?Zeintzuk dira honen etapak, bereizgarririk ba ahal dute?

Haur Hezkuntzako Curriculumaren aplikazio eremua Haur Hezkuntza ematen den Euskal Autonomia Erkidegoko ikastetxeetan  aplikatzen da.Bi zikloetan banatuta dago, eta 0-3 urte bitartean eta 3-6 urte bitartean.  Ziklo hauek hautazkoak dira.

2- Nola ulertzen du Haur Hezkuntzako Oinarrizko Curriculumak GAITASUN hitza? Gaitasun horiek berdinak dira etapetan zehar?

Haur Hezkuntzan zehar gaitasun hitza ikasleak bereganatzen dituen jakintza, trebetasun, jarrera eta balioen konbinazioari deitzen zaio. Gaitasun hauek etapa guztietan zehar berdinak dira eta arduraz bizitzea, ikasten eta pentsatzen ikastea, komunikatzen ikastea, elkarrekin bizitzen ikastea, pertsona gisa garatzen ikastea eta egiten eta ekiten ikastea dira.

3-          Zein proiektutan eman zen Gaitasunen definizioa eta hautaketa?

Gaitasunen Definizioa eta Hautaketa (DeSeCo) izeneko proiektuan eman zen Gaitasunen definizioa. Proiektu honen arabera gaitasun bat eskakizun konplexuei erantzuteko eta askotariko lanak behar bezala egiteko ahalmena da.

4-          Zeintzuk dira EAEren OINARRIZKO GAITASUNAK?

    1.Zientzia, teknologia eta osasun-kulturarako gaitasuna

    2.Ikasten ikasteko gaitasuna

    3.Matematikarako gaitasuna

    4.Hizkuntza komunikaziorako gaitasuna

    5.Informazioa tratatzeko eta teknologia digitala erabiltzeko gaitasuna.

    6.Gizarterako eta herritartasunerako gaitasuna

    7.Giza eta arte-kulturarako gaitasuna

    8.Norberaren autonomiarako eta ekimenerako gaitasuna.

5-      Zeintzuk dira Haur Hezkuntza Etapako Helburu Orokorrak EAEn?

Haur Hezkuntzaren xede nagusia haurren garapen fisikoan, afektiboan, sozialean eta intelektualean laguntzea da, familiekin lankidetza estuan.

6- Nola ulertzen du EAEko Curriculum dekretuak CURRICULUM terminoa?

Curriculum terminoa etapa horretan ezarritako helburuen,gaitasunen,edukien, ebaluazio-irizpideen eta orientabide metodologikoen multzo moduan ulertzen da.

7- Zeintzuk dira Ikastetxe bakoitzak kontutan izan beharreko pedagogia printzipioak?

Irakasleen lanaren jarraikortasuna eta koherentzia bermatuko duen pedagogia printzipioak kontutan izan beharrekoak dira.

8-     Zeintzuk dira HHko jakintza arloak?

Hezkuntzako gaitasun orokorrak berberak dira hezkuntza-etapa guztietan. Hona hemen zein diren:

1.   Arduraz bizitzen ikastea.

2.   Ikasten eta pentsatzen ikastea.

3.   Komunikatzen ikastea.

4.   Elkarrekin bizitzen ikastea.

5.   Pertsona gisa garatzen ikastea.

6.   Egiten eta ekiten ikastea.

9- Zein Hizkuntza eredua bilatzen da Haur eta Oinarrizko Hezkuntzarako?

Elebitasuna eta eleaniztasuna bilatzen da Haur eta Oinarrizko Hezkuntzan zehar. Hizkuntza bat baino gehiago lantzean ahozko eta idatzizko gaitasunak hobeto garaitzen baitira.

10- Zein proiektutan islatuko da Ikastetxeak jarraituko dituen irizpideak hizkuntzari dagokionez?

Ikastetxearen Hizkuntza Proiektuan islatuko da, eta ikastetxe bakoitzak bere hizkuntza-proiektua ikastetxearen Hezkuntza Proiektuan sartuko du.

11-     Zeintzuk dira Haur Hezkuntzako hezkuntza-esparruak?

Haur Hezkuntzako esparruak hezkuntza-eduki hauen arabera antolatuko dira: Norberaren ezagutza eta autonomia pertsonala, ingurunearen ezagutza eta komunikazio eta adierazpena.

12-     Nola ulertzen da esperientzia eremu bat?

«Norberaren ezaguera eta autonomia pertsonala» esperientzia-eremuak zera biltzen du: haurrak, hezkuntzako esku-hartzearen laguntzarekin eta pixkanaka, bere buruari buruz barneratzen duen ezagutza guztia. Ezagutza horrek lagundu egingo dio haurrari bere nortasuna sendotzeko prozesuan, eta erabateko mendetasuna izatetik nahikoa autonomia izatera eramango duen bideko ibilbidean

13-     Zeintzuk dira Esperientzia Eremu bakoitzaren atalak? Nola daude antolatuta?

Haur Hezkuntzako hezkuntza-edukiak honako esperientzia-eremu hauen arabera antolatuko dira:

a)   Norberaren ezagutza eta autonomia pertsonala.

b)   Ingurunearen ezagutza.

c)   Hizkuntzak: komunikazioa eta adierazpena.

14-  Zein dokumentuaren arabera moldatuko da Ikastetxeko Curriculum Proiektua? Eta zeintzuk izango dira ICPren atalak?

15-  Zein da HHn ikasleen ratioa?

2 urtetan 18 haurrekoa da eta 2 urtetik aurrera 23 haurrekoa gutxi gora behera.

16- Zeintzuk dira Haur Hezkuntza Etapako ordutegiaren berezitasunak?

Haur Hezkuntzako Etapako ordutegiaren berezitasun nagusiena lehen zikloan zehar zerbitzu zabal bat eman beharko dutela da, beti ere haurrak 8 ordu baino gehiago ezingo dira egon ikastetxean. Beste berezitasun bat erritmo eta mota ezberdinetako.Normalean ordutegi malgua izaten da.

17-  Zein da aniztasunaren trataerako planteamendua?

1.-Hezkuntzako esku-hartzea jaso behar du, horrela bermatzen baita bai haur guztien garapena, bai eta arreta pertsonalizatua ere, haurraren heltze-prozesuaren, interesen, erritmoen eta ikasteko estiloa kontuan hartuta.

2.- Ikasle guztien aniztasunaren trataera kontuan izateko, malguak izango dira etapako helburu orokorrak betetzeko neurriak, eta horrela, etorkizunean oinarrizko gaitasunak garatzen lagunduko zaie.

3.- Ikastetxeek errefortzu-mekanismo egokiak jarri beharko dituzte abian, antolakuntzakoak nahiz curriculumekoak, ikaskuntzan zailtasunak aurkitzen direnean. Hona hemen neurri horietako batzuk:

laguntza ematea talde arruntean, taldekatze malguak egitea, curriculum-egokitzapenak eta berariazko errefortzuak eremuren  batean.

4.- Hezkuntza, Unibertsitate eta Ikerketa Sailak beharrezko prozedurak arautuko ditu ikasleen ikasteko zailtasunei aurre hartu, hauteman eta haietan esku hartzeko, eta ikastetxeei abian jar ditzaten errazteko jarduerak gauzatuko ditu.

18-  Zein printzipiotan oinarritzen da hezkuntza-premia bereziak azaltzen dituzten ikasleen trataera?

Ikastetxeek egiten dituzten curriculum-proiektuek nahiko malguak izan beharko dute, haur bakoitzaren ezaugarrietara, ikasteko erritmoetara eta berezitasunetara egokitutako banakako zehaztapenak egiteko aukera izan dadin. Helburua da hezkuntza-premia bereziak dituzten ikasleen trataerarako berezkoak diren bi printzipio bete ahal izatea: hezkuntzazko inklusioa eta indibidualizazioa.

19-  Nola ulertzen da TUTORETZA Haur Hezkuntzan?

Tutoretza ikasle talde jakin bateko hezkuntza-ekintza oro dinamizatzeko, osatzeko eta koordinatzeko elementua da, eta ekintza horietan esku hartzen dutenak barnean hartzen ditu.

20-  Nolako ezaugarriak ditu Haur Hezkuntza etapan ebaluazioak?

Haur hezkuntza etapan ebaluazioaren ezaugarriak honako hauek dira: orokorra, jarraitua eta prestakuntzazkoa izango da. Behaketa zuzena eta sistematikoa izango da.

ORIENTABIDE METODOLOGIKOAK HAUR HEZKUNTZAN

21-  Nola ulertzen da aniztasunari emandako trataera?

Aniztasunaren trataera oinarrizko hezkuntza-irizpidetzat ulertzen da.

22-  Zer esan nahi du ikusmolde GLOBALA izatea?

Ikusmolde globalari erreparatuz, adin horretan haurrek modu globalean adierazten dituzte gauzak bai ikasten dutena eta baita bere harremanak orokorki bizitzen dituzte. Haurrek beren izaera beren adierazkortasunean, egoteko moduan eta inguratzen dienarekin elkarrekintza jardutean erakusten dute.

Ikaskuntza hainbat loturaren emaitza da, ikaskuntza berrien eta dagoeneko ikasita dutenen arteko harremanen emaitza, alegia.

Gizabanakoak ezagutu nahi duen errealitatera hurbiltzeko prozesu globala da.

23-  Nola ulertzen da ikaskuntza esanguratsua?

Haurrek modu esanguratsuan ikasteko aukera izan dezaten, Haur Eskolak haurraren bizitzan garrantzi handia eta zentzu afektiboa duten esperientziak eta jarduerak sustatu behar ditu. Hortaz, esperientziak elkarrekin trukatzen dira, bizi eta gozatu egiten da, ikasi eta ulertu egiten direlarik. Ekintza horiek haurraren ekimena eta autonomia sustatu behar dute eta talde lana eta lan indibiduala lantzeko egokiak izatea ziurtatu beharra dago. Espazioari dagokionez modu dinamiko eta esanguratsu batean ulertzea komenigarria da. Erabiliko diren materialek haurra estimulatu beharko dute jakin-mina sortuz berarengan. Jakin-min horrek esperimentazioa ekarriko dio haurrari eta honek bere garapena sustatuko du.

24-  Nola ulertzen da eskola giroa?

Atxikimendu-irudiek eragin erabakigarria dute garapen sozialean. Haurrak ingurukoekin komunikatzen ikasten du, eta baita bere jokabidea kontrolatzen eta gizarte-balioak, arrazoiak eta arauak barneratzen ere. Alderdi hori kontutan izan behar da Haur Eskolako egokitze-aldietako familiaren eta eskolaren arteko plangintza bateratuan

Haurrek, erritmo, interes eta behar desberdinak dituzte eta beraien arteko desberdintasunak errespetatu eta kontuan hartu behar dira, edozein planifikazio  bete behar izango balitz ere.

Hau kontuan izanez, eskolak ongizate, konfiantza eta segurtasuna eskaini beharko dio umeari.

25-  Zeintzuk dira ematen diren orientabideak eremu, denbora eta baliabide materialen antolaketaren inguruan?

Haur bakoitzak interes eta behar desberdinak dituztenez hori asebeteko duten jarduerak antolatu behar dira.

26-  Nola ulertzen da H.H.ko Ikastetxea?

Haur Hezkuntzako ikastetxeak haurrari garapenerako esperientzia-iturri ezin aberatsagoa ematen dio: beste haur batzuekin elkartzea. Eskolan sortzen diren harremanek, lankidetzak, gatazka txikiek eta berregokitzeek erraztu egiten dute haurren garapen intelektual, afektibo eta soziala. Horregatik, era askotako taldekatzeak eskatzen dituzten jarduerak sustatu beharko dira. Gainera, haurrek ikastetxeetan arauen esanahiak ikasten dute, eta horien haustearen ondorioak ere, betiere malguak, argia, bateratuak izan behar direla. Ikasgelako harreman-giroari segurtasuna ematen eta autonomia garatzen ere lagundu behar dute. Eskolak, era berean, esperientziak bizitzeko eta bere buruaren irudi positiboa egitea ahalbidetuko dioten proposamenak egiteko aukerak eman behar dizkio haurrari, bere gaitasunetan konfiantza izanik, pertsona gai gisa eta ikasteko aukerak dituen ikasle gisa ikusteko eta aintzakotzat hartzeko bere burua.

27-  Zein da hezkuntza agente bakoitzari ematen dion ardura Haur Hezkuntzan?

Haurraren hezkuntzan parte-hartzen duten agenteek ardura ezberdinak dituzte. Irakasle taldea HH-ko hezkuntza-proiektua egiteaz, garatzeaz eta ebaluatzeaz arduratzen da. Hala ere, planifikazioetan parte hartzen duten profesionalek jarraibide bateratuak hartu behar dituzte, heziketa koherentea izan dadin. Horrez gain, Haur Hezkuntzako eta lehen Hezkuntzako irakasle taldeen artean koordinazioa egon behar du. Honek,  jarraipena emateaz gain, ikasitakoa sendotzea eta finkatzea ziurtatzen du. familia eta eskolaren artean harremana izatea eta informazioa elkartrukatzea ezinbestekoa da, biek baitute helburu bera, hau da, haurren garapen osoan alderdi aktiboa izatea.