Alaitzen Berrikuntzak Hezkuntzan bideoen gogoeta

Ikusitako hiru bideoetan argi eta garbi ikusten da gaur egungo Hezkuntza Sistemaren egoera. Bideoan esaten den modura, ikaslea ez da porrot egiten duena, baizik eta sistema da porrot egiten duena. Hezkuntza Sistema gaur egungo gizartearekin ez dator bat, oso atzeratuta gelditu da. Izan ere, XIX. Mendean sortutako Hezkuntza Sistema berdinarekin jarraitzen dugu.

Ikasleok geroz eta gutxiago ikasten dugu eskolan. Gure sormena itzali egiten digute kalifikazioen bidez… Ez digute benetan balio duten gauza askorik irakasten. Hezkuntzak lortu nahi guen gauza bakarra gizaki perfektuak sortzea da. Guztiek ikasketak edukitzea, ondoren unibertsitatera joateko eta bertatik ateratzean lanpostu on bat edukitzeko. Beraz, gure arteko lehia sustatzen dute.

Edurneren hezkuntzari buruzko bideoen gogoeta

Ikusi ditudan bi bideoetan hezkuntzari garrantzi handia ematen diote, horregatik “Educación prohibida” bideoetan gaur egungo hezkuntza sistemaren kritika egiten dute. Ezarrita dagoen sistema ez da hezkuntzak eta ikasleok behar dugun sistema, ez ditu gure beharrak ezta gure helburuak asetzen. Horrexegatik goiti-beherako aldaketa bat behar da, hobeto esanda, hobekuntza bat. Baina garbi dago aldaketa hori ezin duela irakasle edo ikastetxe batek bakarrik egin, gizartean gauzatu behar den gauza bat da.

Lehiakortasuna, indibidualtasuna… guztiz alde batera utzi behar da eta kooperatibitatea zein talde lana sustatu. Gainera ikasleak motibatu egin behar dira jakin-mina sortzeko.

Gaur egungo hezkuntza sistemak nota onak ateratzea eta etorkizunean lan bat eskuratzea du helburu bakarra, eta ez ikasleak benetan ikastea. Ikaslea ezin da izan hartzaile pasibo bat, sortzailea baizik.

Nire iritziz esan behar dut, guztiz ados nagoela bideo hauekin, baita hobekuntzaren alde nagoela ere. Horretaz aparte, aipatzekoa da ere, oso bideo interesgarriak direla eta pertsona asko ikusi behar dituztela beraien burua martxan jartzeko eta kontziente izateko hezkuntza ezinbesteko elementu bat dela eta horrekin ezin dela jolastu.

Maialeren hezkuntzari buruzko bideoen gogoeta

Bideo hauetan hezkuntzari buruz hitz egiten digute. Hasteko, esan beharra daukat, ados nagoela esaten duten guztiarekin. Gaur egungo gizartea aurreratzen ari da eta hezkuntza atzean geratzen ari da. Hezkuntza geroz eta ahulagoa bihurtzen ari da ez dutelako ezer egiten egoera hori aldatzeko. Badago jendea esaten duena eskolan porrota izateak irakaslearen errua dela baina ez! Oso oker dabiltza. Gaur egungo egoerara iritsi gara hezkuntza sistemak inposatutakoari esker. Betidanik horrela bizi izan gara eta nahiz eta aldatzeko nahia izan ez digute utziko. Hezkuntza sistema oso suntsituta dago eta ondorio batzuk sorrarazi ditu. Argienak haurren motibazio eza, segregazioa eta biolentzia dira, begi bistakoa dena ikasleen emaitza akademikoen batez bestekoa begiratzearekin.

Azkenik,esan beharra dago lehen esan dudan bezala, beste heziketa ereduak praktikara eramateko aukerarik ez dutela uzten estatuek, legearen eta derrigorrezko curriculumaren bitartez. Zer irakatsi eta zer ez (curriculuma), nola irakatsi (metodologia), noiz irakatsi (egutegia eta ordutegia) goitik emanda dator, elite txiki baten onurarako besterik ez dela pentsatzen.

Mariaren Berrikuntzak Hezkuntzan gogoeta

Hezkuntzari buruz bi bideo ikusi berri ditut, “La educación prohibida” hain zuzen ere eta honen inguruko hausnarketari ekingo diot. Izan ere, ondo etortzen zaigu kontzientziatzeko eta egoera nola alda genezakeen pentsarazteko.

Nire ustez, askotan, gauzak gaizki doazenean ikasleari errua botatzen diogu,eta beti ez da bere errua izan beharrik; batzuetan hezkuntza sistema baita errua duena.

Hezkuntza sisteman aldaketa ugari egiten dira, gehiegi, eta zenbait aldaketek haur batzuengan eskola porrota sorrarazten dute, beraientzat egokiturik ez daudelako edo haien beharrak asetzen ez dituztelako.

Kontuan izan behar dugu, gaur egun, eskola ez dela hezkuntza eta heziketaren sinonimoa. Gure gizartean dauden eskola askoren helburua ikasleek ahalik eta notarik altuenak ateratzean datza. 

Lehiakortasuna egunero indartzen da ikasgeletan: guztia noten bitartez baloratzen da. Egiten den lan edo azterketa bakoitzak zenbaki bat dakar eta azkenean ez da esfortzua kontuan hartzen dena lan ona egitea baizik. 

Nota onak lortzen dituzten ume edo gazteek jarraitzen dute eta nota baxuak ateratzen dituztenak, aldiz, baztertuak izaten dira. Horregatik, esan dezaket bi talde sortzen direla ikasleengan: batetik irabazleak daude sarituak direnak eta bestetik galtzaileak.

Gainera bideoa ikustean konturatzen zara eskolan galtzen den denboraz, nire ustez denbora gehiegi igarotzen dute bertan umeek duten adinerako.

Egoera aldatu nahi badugu, aldaketak erabili beharko ditugu. Egunerokotasunarekin haustea zaila izan arren.  

Hala ere, bukatzeko, esango dut oso bideo interesgarriak iruditu zaizkidala, pentsatzera bultzatzen zaituztenak.

Jasoneren Berrikuntzak Hezkuntzan gogoeta

Bideoetan gaur egungo heziketa sistema kritikatzen da, gaur egungo beharretara ezin egokitzea eta premiak ezin asetzea baitira gaur egungo hezkuntza sistemaren arazo nagusietakoak. 

Arazo horiei aurre egiteko berrikuntza bat behar da. Berrikuntza horrek gizakia indibidualki eta kolektiboki gauzatzeko helburu duen aldaketa izan behar du. Horrela bakoitzaren bizi kalitatea  eta gizartearena hobetuko bailitzatekeelakoan.  Izan ere gaur egungo hezkuntzak ez du helburu indibidualki eta kolektiboki gauzatzea; etorkizunerako trebatzea du helburu. Hau da beti esaten dena egitera bideratzen du.

Ikasleak zenbaki hutsak dira gaur egungo hezkuntzan eta ezarritako helburuak lortzen ez dituena atzeratua gelditzen da. Horrela dena mailakaturik eta mugaturik geldituz eta haurren banakotasuna ez errespetatuz.

Egoera honetatik ateratzeko aldaketa bat behar dela begi bistakoa da. Aldaketa horrek haurrei egokiturikoa izan behar du beraien garapena aurrera egitera bideratuko duena eta ez duena mugatuko orain egiten ari den bezala. Baina aldaketa guzti hau gerta dadin denon ardura eta elkarlana beharrezkoa da.

Berrikuntzen inguruko ideia nagusiak eta hausnarketa

Artikuluak irakurri ondoren, berrikuntzak planifikatutako prozesu bat izan behar duela ikusi dugu, betiere hobekuntzari begira. Nahiz eta berrikuntzen helburua hobekuntza izan batzuk bakarrik lortzen dute helburua betetzea. Berrikuntzak aldaketa bat suposatzen du, baina aldaketak eman daitezen denbora behar da. 

Gainera kontuan izan behar da gauza subjektiboa dela eta batzuentzat hobekuntza dena beste batzuentzat atzera pauso bat izan daitekeela. Hauek pertsonengan eta metodologiarengan dute eragina gehien bat. Beraz gizarteari ere dagokio.

Irakasleek  berrikuntzan paper garrantzitsu bat dute laguntzea, ikastea eta aldatzearena. Baina lan hau ezin du egin irakasle soil batek. Gizartean gauzatu behar den aldaketa da, hau gainera ezin da bat-batekoa izan, gutxinaka egiten doan prozesua baita. 

Ikastetxeari dagokionez, zaila da egun batetik bestera aldaketak gauzatzea errutina batean murgildurik baitaude. Gainera, Ikastetxeek nahiz eta aldaketak gauzatu nahi izan muga ugari aurkitzen dituzte erreformen aldetik.

Ondorio batera iritsiz, aldaketarenganako jarrera positibo bat edukitzea guztiz garrantzizkoa iruditzen zaigu. Hasieran aipatu dugun bezala berrikuntza asko ez dira ikastetxeetara iritsi eta praktikara eramanez uste dugu ikusiko litzatekeela benetan ea berrikuntza hori eraginkorra den edo ez. Baina praktikan jarriko diren berrikuntza horiek aurretiko esperientzien araberakoak izan beharko lirateke eta hezkuntzarekiko koherentzia eduki beharko lukete.

Aurreiritzietatik abiatuz berrikuntza

Gure ustez berrikuntza hitzak aldaketa esan nahi du. Hau aurretik zegoena aldatzeko da. Hezkuntzan ikusi dugunez aldaketa ugari egon dira. Batzuk onerako izan dira, besteak txarrerako liskarrak eraginez.